Xabier Barrutieta (1978) Euskal Herrian, Alemanian eta Suitzan trebatu zen gradu amaierako saria jasoz. Bere arkitekto bulegoa zuzentzen du eta arlo hauetan irakasle da: Proiektuen Diseinua, Eraikuntza jasangarria eta Berrikuntza. Esparru hauekin eta hiri-diseinuarekin lotutako hainbat ikerketa proiektutan ere parte hartu du. 

2003an bulego propioa ezarri zuen eta nazioarteko hainbat enpresarekin elkarlanean aritu da hiri eta paisaia diseinuaren, arkitekturaren eta ekoteknologien alorretan; besteak beste, Arup eta Foster+Partners taldeekin. Bere lana aukeratu zuten Arquia arkitekto gazteen erakusketan eta hainbat sari jaso ditu, hala nola, entzute handiko Europan 10 Europako Arkitekto Gazteentzako Saria.

Bulegoaren arlo nagusiak hauek dira: energia positiboko eraikinen diseinua, iraunkortasun-soluzio integratuak eta hiri-plangintza. Berrikuntza metodologia esparru guztietan aplikatzen da eta eraikin korporatiboak eta enpresen irudia uztartzen dituzten espazioetan ere esperientzia asko dugu.

​

Xabier gaur egun Irakasle elkartua eta doktoregaia da UPV/EHUko Arkitektura fakultatean Eraikuntza jasangarri eta industrializatua, eta berrikuntzaren kudeaketa arloetan.

​